灰姑娘

這次看musical的感覺比上次phantom好多了
雖然仍然是文化中心個垃圾場
但可能音響tune大了
或者佈景精美了
for whatever reason
總之今次完全無看大電視的空洞無力感
開場的彩色大蓬裙已經讓人眼前一亮
整齣劇也不負所望地一直延續這種繽紛悅目和愉快
打扮像蓮藕的肥姐姐和像尤魚的生銹姐姐好得意啊
孤寒國王也讓我笑不停
還有還有園子裡的灰老鼠孖寶
只是吱吱聲也可以吱出人性與感情
看得小孩子嘩嘩聲
難得連interlude也做得順滑舒適
沒有突然black out要人乾坐等睇戲的空檔
雖然setting有抄襲迪士尼的嫌疑
(灰姑娘那廚房小椅,仲唔係米老鼠頭!大屋也像怪誕城)
但在觀眾的立場
有咩所謂喎
因為我看得快樂
只要我看得快樂

卡嘩伊呢

就像正正常常好地地不會整容
一個人就算不喜歡
正正常常好地地又唔會走去改名既
所以名字就似外貌一樣
未出世就有了
是先天的
爸媽要是稍一不慎改名改著李廣先、吳港駐之類就大整蠱
(改得太grand也大壓力
譬如阿聰個仔林肯就是慘仔)
自己唔好意思
人家叫你又不便

所以如果有得揀
我不明白點解有人會叫自己做Kawai
咁潮的日本語
斷估不會是父母未經同意就監人乃後的英文名掛
咁即係自己改啦
覺得自己卡嘩伊咪自己對住塊鏡同自己講喂卡嘩伊你好卡嘩伊呀咁囉
為什麼逼全世界叫你卡嘩伊呢...
隔著電話「喂,唔該,er...卡嘩伊」的我簡直有被強奸的感覺

輸左

真人真事
小朋友小學入學面試
問題問
如果你是特首，你會做甚麼？

給你答
除了推動民主
爭取普選
檢討經濟
落力救市
還有派生果金唔駛入息審查等等
你還會答什麼

小朋友說
「我會令香港市民快樂。」
下巴跌到落地，我輸晒!